الحجاب بصورة تانية

اللي فرض علينا الصلاة هو ربنا

اللي فرض علينا الصوم هو ربنا

واللي فرض الحجاب برده هو ربنا

لحد هنا تمام .... طيب هل اللي احنا بنشوفه دلوقت هو الحجاب ؟

اعتقد الاجابة وبكل تأكيد لا

الحجاب مفيهوش البديهات المجسمة ولا البنطلونات الضيقة ولا التونيكات القصيرة ولا ولا ولا ولا ......

الحجاب فيه 3 شروط أساسية : 1- لا يصف 2 - لا يشف 3 - لا يكون زينة في حد ذاته

==

اذن اللي البنت بتلبسه دلوقت مش هو الحجاب اللي ربنا أمرها بيه ... اينعم هي غطت جسمها بس للأسف التغطية دي مجرد تغطية للون الجسم بس ... لكن تفاصيل الجسم كلها باينة في اللبس

بمعني آخر هندسي " ولله المثل الأعلي " .. كأن واحد قال لواحد اعملي شقة 3 غرف وصالة وحمام ومطبخ .. والمهندس قام عاملها 3 حمامات وصالة وغرفة ومطبخ ... في الآخر هي شقة بس هل ده المطلوب ؟ ... هل ينفع يسلمها كده ؟؟ هل هيقوله ياعم عادي ما هي فيها اوضة اهي .. مش اوفر يعني

نفس الفكرة .. اللي بنشوفه دلوقت هدوم وغطاء للجسم ... لكن هل هو المطلوب ؟؟ ... للأسف لا .. انتو عملتوا حاجة ... لكن للأسف مش هي اللي ربنا عاوزها ... والله اعلم الجزاء عليها هيكون ازاي

===

لكل بنت ... راجعي نفسك كويس ... مفيش حاجة اسمها لبس اوفر او مش اوفر .... فيه حاجة اسمها حجاب شرعي ولو مش شرعي يبقي مخالف ... مفيش في النص ... الحجاب مش درجات

كذلك مثل آخر :

----

مينفعش اني اصلي العشا 3 ركعات واقول انا احسن من ناس تانية مبتصليش اصلا ... او اقول المهم اني مش سايبها

اعتقد ان العشا لو اتصلت 3 ركعات اذن فهي باطلة .. اي ان الفرض لم يؤدي

كذلك الحجاب ربما بتقصيرك فيه فانه لم يؤدي وتتفاجئي يوم القيامة لما تيجي تتحاسبي عليه

Sami Yusuf - Wherever You Are | Acoustic - Arabic

لا تلم غيرك فأنت سبب !!

لا تلم هذه الأمة على تأخرها ... فأنت وانتي سبب في تأخرها

نحن أمام أمة لاتحتاج الي شخص عادي ... نحن أمام أمة  ضائعة

نحن أمام أمة تحتاج الي شخص صاحب قضية ... صاحب حلم يرافقه ....

عندما تصلح شخصيتك فانك تصلح فرد من مليار ونصف مسلم وعندنا تهملها فانك تضيع جزء من الأمة وتكون سبب في تأخرها

نحن أمام أمة تحتاج الي توفر 4 اشياء رئيسية في شبابها :

1 - أن يؤمن بالله عز وجل ثم بقدراته لأنه أفضل مخلوق على وجه الأرض

2 - أن يخطط لمستقبله ثم ينفذ ماذا خطط ثم يتقن ماذا نفذ ثم يراجع أخطاءه ولا يتراجع أبدا

3 - أن يكون صاحب قضية

4 - شباب لا يكثر من الأماني .... قلل من كلمة أتمني وادخل في دائرة العمل

==========

عمرو ربيع

من كتاب " خواطر ووقفات "

حبة تفاؤل

                لا تحاول أن تعيد حساب الأمس .. وما خسرت فيه ..

فالعمر حين تسقط أوراقه لن تعود مرة أخرى ..

ولكن مع كل ربيع جديد سوف تنبت أوراق أخرى ..

فانظر الى تلك الأوراق التي تغطي وجه السماء

ودعك مما سقط على الأرض فقد صارت جزءاً منها

                                 ***********

لا تنظر الى الأوراق التي تغير لونها .. وبهتت حروفها ..

وتاهت سطورها بين الألم و الوحشه ..

سوف تكتشف أن هذه السطور ليست أجمل ما كتبت ..

وأن هذه الأوراق ليست اخر ما سطرت ..

ويجب أن تفرق بين من وضع سطورك في عينيه ..

ومن القى بها للرياح ..

لم تكن هذه السطور مجرد كلام جميل عابر ..

ولكنها مشاعر قلب عاشها حرفاً حرفاً ..

ونبض إنسان حملها حلماً .. واكتوى بنارها ألماً

الهدف ولا الفلوس ؟!

" رسالة الي الحكومة "

- - - - - - - - - - - - - - - - - - - - -

         النهاردة الثلاثاء 6 نوفمبر 2012 وأنا بكتب الخاطرة دي وبكتبها وأنا قاعد في سكشن مادة الهيدروليكا اللي هي متفرعة من هندسة الري ... هتقولي وانا مالي بالتفاصيل دي كلها .. هقولك استني بس ما هو ده موضوعي النهاردة .. مهندس الري .

      النهاردة كنا قاعدين في في محاضرة خاصة بمادة هندسة السكة الحديدية واللي بيدرسهالنا دكتور متخصص في الطرق وفي وسط الشرح قام طالب وسأل الدكتور .. " هل مهندسين السكة الحديد ليهم شغل في مصر ؟! " ... – طبعا لأن في وقتنا ده السكك الحديد الله ينور ! - ... المهم الدكتور قاله ان فيه شغل طبعا بس زمان كان مهندس السكة الحديد ليه شنة ورنة وكان بيكون ليه سيارة بالسواق تحت أمره وده لأن زمان كانت السكة الحديد في مصر هي رقم 2 في العالم فكان المهندس واخد وضعه كويس – على فكرة مش المصريين اللي عملوها متفرحش أوي – لكن دلوقت المستوي قل كتير ... بس اللي شغالين دلوقت هم مهندسين الري .. مهندس الري بيستلم شقة وعربية بسواق تحت أمره وده بعد ما الزراعة انتشرت وبقي لازم تخطيط وتنظيم لعملية الري فمهندس الري بقي هو البريمو .

    وبعد ما طلعنا من المحاضرة كنت بتناقش مع 3 من اصحابي فواحد بيقولي ها هتشتغل في الري بقي ؟ فكنا بنعرض الآراء .. الأول قال " ايوة طبعا ده شقة وعربية " وبص للجانب المادي ... والتاني قال تمام .. وكان تعليقه " بس المشكلة ان الشقة مش تمليك " ههههه ... أما التالت فقال بعد تفكير .." أهو أحسن من مفيش ومن البداية من الصفر " .. وهنا فكرت هل انا بشتغل عشان الفلوس ؟! هل هو ده هدفي من الشغل ؟! اني اشتغل الشغلانة اللي تجيب أكتر !! وافتكرت كلمة قالهالي مهندس اتصالات حديث التخرج " انا لو هشتغل محاصب بمرتب عالي هروح وارمي الهندسة " .. بصراحة انا اتفاجئت جدا .

      المشكلة اني لما بقول لحد المفروض تبحث عن فكرة وهدف وميبقاش كل تفكيرك في الجانب المادي يضحك ويتريق عليا .. مش عارف بقي هل انا اللي غلطان ولا الظروف الحالية هي اللي فرضت على الناس ان يكون همهم الأول الفلوس عشان يقدروا يعيشوا ويتجوزوا ! ... والله ممكن بردو لأن باللي احنا عايشينه ده قليلين أوي اللي ممكن يفكروا في الهدف قبل المادة .... ولّا يمكن مثلا عشان اعلامنا ومناهجنا علمونا ان اللي معاه فلوس هو الأقوي ؟! .. ممكن بردو ليه لا ! .

    بس الحاجة اللي انا متأكد منها اني مش غلط وان لازم يكون ليك هدف وتشتغل حاجة بتحبها حتي لو فلوسها قليلة بس تتميز فيها ولما تتميز هيجيلك فلوس اكتر من اللي كنت عاوزها لكن مش مجرد انك تشتغل عشان الفلوس ... ولو العيب في الظروف ان شاء الله هنغيرها .

     يا حكومة ! .... " لو عاوزة شباب يرفع اسم مصر لازم يكون عنده هدف وفكرة شغال عليها عشان نحقق التميز .. وعشان يكون عنده هدف لازم يلاقي حياة كريمة ومرتب كويس عشان ميبقاش همه الفلوس ." بس خلاص .

عمرو ربيع

ممكن تقع في ضيق ويكون عليك ضغط كبير اوي اوي وتكون محتاج حد جنبك يخفف عنك .. مجرد انك تحس بس انه جنبك ومعاك

في الوقت ده افتكر اللي جنبك دايما ... افتكر ربك .... الجأله وادعيه وهو اللي هيخفف عنك

ولو ليك حلم اتعب عشانه جامد اوي واعرف انك لازم تمر بضغوط كبيرة بس أكيد الحلم ده يستاهل منك كل تعب وفكر كويس اوي .. ممكن وسط التعب ده ربنا يبعتلك المفتاح اللي يطلعك من كل الهم ده بس انت ركز

خليك قوي ... أقوي من الظروف ... متستناش دايما ان حد يكون جنبك .... خليك قوي بحسن ظنك بربنا

=====

ومن أسلم وجهه لله وهو محسن فقد استمسك بالعروة الوثقي

اي لابد من اسلام الوجه لله بالدعاء والتذلل والتضرع لله .. وفي نفس الوقت .. الاحسان بمعني ان يكون العمل كله يرضي الله ويكون بإخلاص كامل لله

تذكروا أم موسي ومصيبتها في فقد ولدها وكيف رده الله عليها بل وصارت تأخذ اجرا من فرعون نظير ارضاعها لولدها

تذكروا مريم العذراء ومصيبتها عندما ولدت عيسي وكيف تكلم أما القوم وصار نبيا

تذكروا موسي عندما أسند ظهره للشجرة وقال " رب اني لما انزلت الي من خير فقير " فوهب الله له الزوجة والعمل

=====

لا تيأس وأحسن الظن بالله وتأكد انه لم ولن يغفل عنك لحظة واحدة ... وان ما تمر به انما هو اختبار من الله ... أحسن التعامل وفكر جيدا

ومتنساش تقول .... يا رب